(Traducción, gentileza Secretaría de Políticas Lingüisticas) Ko ararundy 22 jasypo jave, Instituto Nacional del Audiovisual Paraguayo (INAP) moakãharapavẽ, Mg. Christian Gayoso omyakã ñembyatypy oñembosako’iva Hendutechaukapy Rembiapo Rapykuehorã Aty ndive. Ko atýpe, oñemog̃uahẽ ha oñehesa’ỹijo Tembiaporaperã ombohapétava ko aty rembipota, oñemboguata pya’eveva’erã ha tenonde gotyove g̃uarãva.

Ko aty omba’apo mbareteva’erã INAP jehupytyrãnguéra oñemoañete hag̃ua, ojesareko, ohesa’ỹijo, ha ohapykuehóvo mba’éichapa oĩ ñane retãme umi mba’e hendutechaukapyrã rehegua.

Hembiaporãtee ryepýpe oñemomba’eguasuve umi marandupapapy ñehesa’ỹijo, avei oñembyatyva’erã marandu iporãvéva avei oñehesa’ỹijo ha ojeykekova’erã umi apopyrãnguéra hesegua, ko’ã mba’e ojejapova’erã oñeipytyvõ hag̃ua oñakãrapu’ãve hag̃ua Paraguáipe opaite mba’e audiovisual rehegua.

Ko aty ohapykuehóva Tembiapo Hendutechaukapyrãme oĩ Lic. Laura Rojas, Tembiapo Rape’apo Moakãhára; el Abg. José Delvalle, Tekome’ẽmby Rekombo’eha Moakãhára; ha Lic. Ignacio Falcón, Mañangapy Moakãhára. Ko’ã atypegua omba’apova’erã omboyke’ỹ rehe hembiapotee, kóicha ojepytaso mbaretévo INAP jehupytyrãnguéra rehehápe. 

Ko ñembyatypy omombarete INAP rembiaporãite, ojehekávo toñemboguata hekoitépe umi tembiapotee ha upéicha toñemongu’e ha toñemoakãrapu’ãve Paraguáipe ko’ã tembiapo hendutechaukapyrã rehegua .